Tuesday, March 3, 2020

सपथ

आत्मियतालाई टुक्रा टुक्रा च्यातेर
स्वार्थको युद्द लड्नु अघि
हामीले सजाएको फूलबारी
सुगन्धित छ अझै
हामीले टेकेको माटो
...पैतलामा भेटिन्छ अझै
हामीले साटेको मित्रभाव
प्रतिबिम्बित छ आँखामा अझै
हामीले पूजेकी आमा
मन-मन्दिरमा सजिएकी छीनअझै
त्यसैले आऊ साथी
आजै मित्रताको सपथ खाऊ
एकपटक फेरि
क्रुरता र स्वार्थले
भरिपूर्ण यो दुनियामा
शुद्द मित्रताको उदाहरण बनौ
ताकी कोही,
मित्रको मुखुण्डो लाएर
यहाँ ढाडमा तिर रोप्न नसकोस
कोही शुभ-चिन्तकको बाहानामा
यहाँ मुटु छेड्न नतम्सियोस्!!!

Sunday, November 24, 2013

कहिले सपना मेटिन्छ
कहिले भेटिन्छ
यसपटक मैले भेटे सपनामा !
गुनासाको भारी बिसाउदै तिमी
मेरा आवाज सबै निर्थक भन्दै गयौ
हुर्‍याइदियौ भुमरीमा
निस्सासिदै
तिमीले  छोडेको बाटो
फर्केर हेर्ने पाएन
बिश्मय थियो आँफै सँग
कुन मोडमा जोडीएछ
हाम्रो बाटो  !!
समयको अन्तरालमा ,
आज फेरी सपनामा,
फेरी ,
गुनासो  उही रहेछ  
 ''एकपटक फर्केर शुभकामना पनि भनिनौ''
मलाई माफ गर !!
 तिमीले दिएका सयौ खाडल
 र भुमरीहरु अपमानहरु पार गरी रहदा
फर्केर शुभकामना दिन
मेरो आत्मसम्मानले मानेन!!