म सोच्दैछु
के उपहार दिउँ
मलाई सबभन्दा प्यारो लागेको कुराहरू
या,
मलाई भुल्न गाह्रो लागेको कुराहरू
तिम्रो पहिलो स्पर्श
या,
दोश्रो स्पर्श
र स्थायी न्यानोपन!
पहिलो फूल
या, दोश्रो फूल
र यसरी बनेको उपवन!
एक दूरी
एक विरह
र फेरि मुटु फुट्ने मिलन!
एक तलबितल
फेरि ढाढस शितल
र जीवनको जीवनकै रूपमा अखण्ड किर्तन
मलाई सबभन्दा प्यारो लागेको कुराहरू
मलाई भुल्न गाह्रो लागेको कुराहरू
उपहार ल ?!!
(समर्पित उसलाई )
